شعری جدیداز استاد بهلول حبیبی زنجانی

شعری جدیداز استاد بهلول حبیبی زنجانی _ ماجرای کربلا رفتن حاج اصغر زنجانی و لطف ارباب(ارباب هوای نوکرش را دارد)

-------------------------

کربلانین گنه دوشدی دلیمه غملی سوزی
ایسلادوب اشک تریلن بو مصیبتده گوزی
بیزه تعریف ائلییوردی بونی حاج اصغر ئوزی

رَهرُوِ جان بکفِ راه حسین بن علی
اهل زنجانیدی مداح حسین بن علی
---------------

عشق،وادار ائلدی بیر گونی نیت ائلییم
تا یوخوندان آقاما عرض ارادت ائلییم
مرقد پاک ابوالفضلی زیارت ائلییم

کربلایه ساری من ایلمیشم عزم سفر
قُلِّه ی قلبه باخان،پرچم ثارالله اَسر
---------------

یولا دوشدوم یازیلا دفتر شاهه حسنات
قدم آتدوقجا دئدیم روح حسینه صلوات
قلبیده حُب علی،باشدا وار عشق عتبات

یوللّاری طِیّ ائلییونجه او قَدَر غُصّه ییدیم
گهی روضه اوخویوب گه آقاما نوحه دیدیم
----------------

دوستلاریم که منیلن بو سفره همرهیدی
هاموسی اهل دل و نوکر شاهنشهیدی
شاهدیم یولداکی گوزیاشلارا ثاراللهیدی

شهدانی چاغیروب دوشدوم امامین یادینا
دئدیم الله:نه واریم قربان حسینون آدینا
-----------------

گجه نون یاریسی چاتدوق بیز او اصلی وطنه
ایلدوق عرض ادب روح شه بی کفنه
رفقا منقلب اولدی بیری عرض ائتدی منه

رسمیدور بوردا قوناقون ئورگین داغلاللار
حرمین قاپلارینی هر گجه لر باغلاللار
-----------------

تا ائشیتدیم بو سوزی حالیم ائله اولدی خراب
رفقایه ائلدیم حال خرابیله خطاب
منتظردی منه ششگوشه کنارینده رباب

بو سوزه عاشق دیوانه دل شب قانماز
آقامون قاپلاری حاج اصغرینه باغلانماز
----------------

حرکت ائتدیم او لحظه نگران سمت دره
یتیشم بلکه حریم گل خیرالبشره
اوردا لای لای دییم آهیله بیر آز صودامره

قدم آتدوقجا حرم سمتینه اولدوم بی تاب
یتیشوب باب بهشته ائلدیم دَقُّ الباب
-----------------

خادم آچدی قاپونی آلدی خبر نام و نشان
دئدیم اصغردی آدیم خاک در شاه شهان
گوئیا خادم اربابیده وار سِرِّ نهان

دیدی من صحن حسین بن علینی گزورم
نچه ساعتدی سنون گلمه گیوه،منتظرم
---------------

یاتموشیدوم یوخوما گلدی پیمبر نوه سی
یوخلامیشدوم ولی اوچ دفعه ائشیتدیم بو سسی
دور ایاقه گلور حاج اصغریمون زمزمه سی

حرمین قاپلارین آچ،حرمت ائله نوکریمه
گله ششگوشه ده،تا نوحه دئیه اصغریمه
----------------

حرمه قویدوم ایاق سویلدوم آی عطشان آقا
آذری لحنیله سسلندیم او لحظه جان آقا
عرش و فرش،عالم و آدم آدیوا قربان آقا

اذن ویر نوکریوه بیر آز اوجاتسین سسینی
محضرونده اوخوسون صودامرون روضه سینی
----------------

ای ربابی الی قوینوندا قویان لای لای اوغول
گجه گوندوز دئییرم نار غمونده وای اوغول
آناوی قویدون اوغولسوز،هارا گیتدون آی اوغول

سن کیمی،اوچی،هیچ آهونی بیله اوخلامیوب
سینه ده،دیرناقیوین رَدّی هله توختامیوب
---------------

اهلبیتون او گجه عرشه اوجالمیشدی سسی
اوخشویوردی بالاقیزلار،ئوز عزیزین هَره سی
سودان ایچدیم بیر ایچیم،شام غریبان گجه سی

خبر آلما آناوین حالین ئورک قاندی بالا
او سو اود اولدی منه،دل دوداقیم یاندی بالا
---------------

دوندی دنیاده دونرگم،بو قضاوقدرین
آلتی آی،حاصل عُمری یازیلوب صودامرین
اوخ سنه دگدی ولی یاردی ربابین جگرین

اوخا سن گولدون اوغول،سینمی داغلار قویدون
تا قیامت منی بو غصّه ده آغلار قویدون
----------------

اوخودوم محضر اربابیده دل اولدی،کباب
گوزیاشیم آخدی حرمده،گوزومه چون دُر،ناب
روضه ی صودامره اولدی اوگون بانی رباب

عُمرومون گیچدی او گونلردن اگر بِش دَهه سی
هله ده، کربوبلانین تَزَدی خاطره سی
-----------------

اللهیم ایستدی بو مرتبه یه،نایل اولام
اصغرم،اکبره من نوکر ناقابل اولام
محکِ عشق حسیندَندی،که روشن دل اولام

آتمیش ائیلدی بو حسینون قاپوسیندا هورورم
آند اولا اکبره سیز گورمویه نی،من گورورم
----------------

یوخوما گلدی خانم فاطمه امر ائتدی منه
ویرّم اَلسّاعه شفا اِذن خدائیله سنه
خواهش ائتدیم خانما،آند اولا روح حسنه

گوز ندی،مایه ی فخریمدی که خاکِ دَر اولام
افتخاریمدی خانیم بو قاپودا نوکر اولام(بهلول حبیبی زنجانی)
-----------------

کانال تلگرامی هیئت خادمین اهل بیت علیهم السلام :

https://t.me/khadminsalmass